शिक्षक भगिनींसाठी रक्षाबंधन सोहळा; स्नेहभोजनाचे आयोजन
🌸 शिक्षक भगिनींसाठी रक्षाबंधन सोहळा; स्नेहभोजनाचे आयोजन
बुलडाणा : रक्षाबंधन हा भाऊ-बहिणीच्या पवित्र नात्याचा सण असून तो विश्वास, स्नेह, आपुलकी, जिव्हाळा आणि माणुसकीच्या नात्यांचा उत्सव आहे. या पवित्र नात्याचा सन्मान तसेच शिक्षक भगिनींप्रती असलेला स्नेह अधिक दृढ करण्याच्या उद्देशाने प्रा. डी. एस. लहाने यांच्या वतीने रक्षाबंधन कार्यक्रमाचे आयोजन करण्यात आले आहे.
शिक्षक भगिनी या समाजाच्या जडणघडणीत मोलाची भूमिका बजावत असून, त्यांच्या योगदानाबद्दल कृतज्ञता व्यक्त करण्यासाठी हा स्नेहमेळावा आयोजित करण्यात आला आहे. रक्षाबंधनाच्या निमित्ताने स्नेहभोजनाचेही आयोजन करण्यात आले असून, शिक्षक भगिनींनी मोठ्या संख्येने उपस्थित राहून या स्नेहबंधाच्या सोहळ्याची शोभा वाढवावी, असे आवाहन प्रा. डी. एस. लहाने यांनी केले आहे.
हा कार्यक्रम सोमवार, दिनांक ३१ ऑगस्ट २०२६ रोजी सायंकाळी ४ वाजता, ओंकार लॉन, बुलडाणा येथे आयोजित करण्यात आला आहे.
“नातं रक्ताचं असो वा स्नेहाचं, त्याची खरी ताकद विश्वासात आणि आपुलकीत असते. चला, रक्षाबंधनाच्या निमित्ताने स्नेहाचे हे बंध अधिक घट्ट करूया!”
या स्नेहभोजन कार्यक्रमास सर्व शिक्षक भगिनींनी आवर्जून उपस्थित राहावे, असे विनम्र आवाहन प्रा. डी. एस. लहाने, शिक्षक मतदार संघ, अमरावती विभाग यांनी केले आहे
संपादक : राहुल गवई
